ගෝනපිනුවල සාමගම, අලුත්වල
ප්‍රදේශයේ නිවසක් තුළ කාන්තාවක්ව ඝාතනය කර තිබේ.
මෙලෙස ඝාතනයට කර ඇත්තේ එම නිවසේ පදිංචිව සිටි 76 හැවිරිදි කාන්තාවක් බව පොලීසිය පවසයි.
මෙම කාන්තාව අවිවාහක තැනැත්තියක් වන අතර ඇය සිය සහෝදරයාගේ පුතා සමග වසර කිහිපයක් මෙම නිවසේ පදිංචිව සිට ඇත.
මෙම කාන්තාව පසුගිය පොසොන් පොහොය දිනයේ සිල් සමාදන් වී නිවසට පැමිණිමෙන් පසු ඇයට පොල්ලකින් පහර දී ඝාතනය කර ඇති බවට අනාවරණ වී තිබේ.
මෙම කාන්තාව ඝාතනය වූ ස්ථානයේ තිබී ඇයට පහර දුන් බවට සැක කෙරෙන පොල්ලක්ද පොලිස් විමර්ශන නිලධාරීන් විසින් සොයා‌ගෙන ඇත.
ඒ අනුව පොලීසිය පවසන්නේ පොසොන් පොහොය දිනයේ (21) සවස් කාලයත් ඊයේ දිනයේ (23) උදෑසන කාලයත් අතරතුර මෙම ඝාතනය සිදුකර ඇති බවය.
මෙම කාන්තාවගේ සහෝදරයාගේ පුත්‍රයා විසින් මෙම ඝාතනය සිදු කර ඇති බවට පොලීසිය සැක කරයි.
ඔහු මේ වන විට ප්‍රදේශයෙන් පළා ගොස් තිබේ.
සැකකරු අත්අඩංගුවට ගැනීම සඳහා ගෝනපිනුවල පොලීසිය වැඩිදුර විමර්ශන සිදුකරයි.
(Ada derana)