සමගි ජනබලවේගයට පිහිටුවීමට හැකි සියලුම පළාත් පාලන ආයතන වල බලය පිහිටවනවා. -මරික්කාර

 

වැඩිදුරටත් අදහස් දැක්වූ ඒ මහතා මෙසේ ද පැවැසීය,

 

 

ඒ වගේම ජාතික ජනබලවේග ආණ්ඩුව පත් වී දින කිහිපයක් තුළ රතු නිවේදන තිබුණු බහලුම් 323 ක් කිසිදු පරික්ෂාවකින් තොරව වරායෙන් පිටත් කරලා තිබුණා. ඒ සම්බන්ධයෙන් පාර්ලිමේන්තුවට වාර්තාවක් ඉදිරිපත් කරන බව ආණ්ඩුව ප්‍රකාශ කළත් එවැනි වාර්තාවත් තවම ආණ්ඩුව පාර්ලිමේන්තුවට ඉදිරිපත් කළේ නෑ. ඒ වගේම ජනාධිපති ලේකම් කාර්යාලයෙන් සිදුකළ වාහන වෙන්දේසියේ තක්සේරුව පිළිබඳව ගැටලුවක් තිබෙනවා. මේ කාරණා විගණනයට ලක්විය යුතු දේවල්. ඒ වගේම පිරිවැය වැඩි කර තිබියදී විදුලි බල මණ්ඩලය බිලියන 18 ක පාඩුවක් ලබා තිබෙනවා. ඒ වගේම සුර්ය බලයෙන් විදුලිය නිෂ්පාදනය ඉවත් කරලා ඩීසල් සහ ගල්අඟුරු මාෆියාවට වැඩි ඉඩකඩක් ලබාදිම හරහා තමයි මෙතරම් විදුලි බිල වැඩි රටක් බවට ලංකාව පත් වී තිබෙන්නේ. එවැනි තත්ත්වයක් තුළ බිලියන 18 ක් ලංවිම පාඩු ලබන්නේ කෙසේදැයි ප්‍රශ්නයක් තිබෙනවා. ඒ වගේම මේ සිද්ධීන් විගණනය වූ පසු සිදුවුනේ කුමක්දැයි වාර්තා වීම සඳහා ද ආණ්ඩුවට හිතවත් විගණකාධිපතිවරයෙක් පත් කරන්න ආණ්ඩුව උත්සහ කරන්නේ කියන ප්‍රශ්නය මතුවෙනවා. කෙසේ නමුත් ජනතාව බොරු කියලා මේ සිද්ධින් යටපත් කරන්න ආණ්ඩුවට හැකියාවක් ලැබෙන්නේ නෑ. මේ සියල්ල හෙළිවෙනවා. ඒ වගේම ක්‍රමයේ වෙනස් ඇති කරනවා කියලා කියන්නේ හිතවතුන් තනතුරු වලට පත් කිරිම නොවන බව අපි ආණ්ඩුවට මතක් කර දෙන්න කැමැතියි.

 

ඒ වගේම වර්තමාන ආණ්ඩුව මැතිවරණ වේදිකාවල ප්‍රකාශ කළේ ජාත්‍යන්තර මුල්‍ය අරමුදල කියන පදයට නටන්නේ නෑ කියලා. නමුත් මැතිවරණය අවසන් වුණාට පස්සේ දැන් ආණ්ඩුව සියයට 18 කින් විදුලි බිල වැඩි කරන්න උත්සහයක නිරත වෙනවා. ජනතාව පීඩාවට පත් කිරීමේ විරෝධය ජනතාව පළාත් පාලන මැතිවරණයේදී පෙන්වන්න කටයුතු කළා. පළාත් පාලන මැතිවරණයේදී ලක්ෂ 23 ක් ආණ්ඩුවට විරුද්ධව ඡන්දය භාවිතා කරලා තිබුණා. ඒ අනුව ආණ්ඩුවේ ඡන්ද සංඛ්‍යාව සියයට 43 කින් අඩු කරලා පෙන්නුවා. නමුත් එයින් ආණ්ඩුව පාඩමක් ඉගෙන ගෙන තිබෙන බවක් පෙනෙන්න නෑ. ඒ වගේම කාර්යක්ෂමතාවය හීන වීම , සැලසුම් නිසි වේලාවට ක්‍රියාත්මක නොකිරිම , ඇතිවිමට තිබෙන ප්‍රශ්න පුරෝකතනය කර ඒවාට ක්‍රියාත්මක වීම ආණ්ඩුව තුළින් සිදුවන්නේ නෑ. ඒ නිසා තමයි ආණ්ඩුවට රතු එළියක් දල්වන්න ජනතාවට පළාත් පාලන මැතිවරණයේදී කටයුතු කළේ. කෙසේ නමුත් ආණ්ඩුවේ නොහැකියාව වසා ගැනීමට සහ සිදුවුණ දේවල් විගණනයට ලක්විම වසා ගැනිමට ආණ්ඩුව කටයුතු කරන බවක් තමයි අපිට පෙනෙන්න තිබෙන්නේ.

 

ඒ වගේම සමගි ජනබලවේගය නිර්මාණය කරපු මුල්ම පිරිසෙන් එක්කෙනෙක් තමයි මමයි. ඒ වගේම සමගි ජනබලවේගයේ නියෝජ්‍ය ජාතික සංවිධායක සහ පක්ෂයේ කළමනාකරණ කමිටුවේ සමාජිකයෙක්. ඒ නිසා අපි හදපු පක්ෂය අපි දාලා යන්නේ නෑ. ඒ වගේම පළාත් පාලන මැතිවරණයේදී ලැයිස්තුවෙන් පත් කිරීමේ ගැටලුවක් නිසා තමයි සමගි ජනබලවේගයේ සංවිධායකවරු කිහිපදෙනෙක් අස්වීමට හේතු වෙලා තිබෙනවා. පළාත් පාලන මැතිවරණයෙන් පළමුවැනි තැනට සහ දෙවැනි තැනට පැමිණි අපෙක්ෂකයන් ප්‍රතිශතය අනුව පත් කළ යුතු බවට පක්ෂය ක්‍රමවේදයක් සකස් කළා. ඒ බව සියලුම ආසන සංවිධායකවරුන්ට පක්ෂය විසින් ලිඛිතව දැනුම් දිලා තිබෙනවා. ඒ වගේම කාන්තාවන් පත් කිරිමේදීත් පක්ෂය විසින් නිර්ණායක කිහිපයක් ලබාදෙන්න කටයුතු කළා. බොහෝ පළාත් පාලන ආයතනවල සභිකයන් පත් කිරිමේදී එම නිර්ණායක අනුව තමයි පත්කිරිම් සිදුකරලා තිබෙන්නේ. ඒ වගේම ප්‍රජාතන්ත්‍රවාදය අනුව මහජනතාවගේ වැඩිම කැමැත්ත තිබෙන අයට තමයි අවස්ථාව ලබාදිය යුතු වන්නේ. ඒ ක්‍රමවේදය අනුගමනය කිරිමේදී ආසන සංවිධායකවරුන්ට විශාල ගැටලු මතුවෙනවා. මේ ක්‍රමවේදය නිසා ක්‍රියාකාරින් පළාත් පාලන ආයතනවලට පත් කරන්න නොහැකි වෙලා තිබෙනවා. කෙසේ නමුත් පත් කිරිම් වලදි යම් නිර්ණායකයක් තිබිය යුතුයි. ඒ වගේම ලැයිස්තු පත් කිරිම්වලදි කොටසක් තරහ වෙනවා. ඒ වගේම හැමෝටම මන්ත්‍රීවරු වෙන්න බෑ. ඒ වගේම ආසන සංවිධායකවරු අස් නොවුණානම් හොදයි කියලා තමයි මම පෞද්ගලිකව හිතන්නේ. සංවිධායකවරු කියන්නේ පක්ෂය වෙනුවෙන් විශාල කැපකිරිම් කළ පිරිසක්. ඒ වගේම දේශපාලනයේදී ඉක්මන් නොවිය යුතුයි. දේශපාලනය කියන්නේ ඉවසීමේ ක්‍රිඩාවක්. ඒ වගේම පක්ෂය වෙනුවෙන් කැපකිරිම් කළ සියලු දෙනා අපි රැක ගත යුතුයි. ඒ වගේම වර්තමානයේ ක්‍රියාත්මක මැතිවරණ නීතියේ ගැටලු තිබෙනවා. ඒ වගේම මැතිවරණ ක්‍රමය වෙනස් කළ යුතුයි.

 

ඒ වගේම සමගි ජනබලවේගයට පිහිටුවීමට හැකි සියලුම පළාත් පාලන ආයතන පිහිටුවන්න සමගි ජනබලවේගයේ කළමනාකරණ කමිටුව තිරණය කර තිබෙනවා. ඒ වගේම සමගි ජනබලවේගයට පිහිටුවීමට හැකි සියලුම පළාත් පාලන ආයතන වල බලය පිහිටුවන්නේ නැතිව සියලුම පළාත් පාලන ආයතන ජාතික ජනබලවේගයට බලය පිහිටුවන්න අවස්ථාව දිය යුතුයි කියන මතයේ තමයි මම ඉන්නේ. එසේ සිදුකළාම ජාතික ජනබලවේගයේ කාර්යක්ශමතාව , වැඩ කිරිමේ හැකියාව , නිපුණතාවය රටට හෙළි වෙනවා. එවිට ජනතාවට අපිට දෝෂාරොපණය එල්ල කරන්න බෑ. කෙසේ නමුත් පක්ෂයේ තිරණයට මම එකඟවෙනවා. ඒ වගේම අපි දක්ෂිණාංශික කඳවුර ශක්තිමත් කරන්න කටයුතු කළ යුතුයි. දකුණු කඳවුර එකතු කළ යුතුයි කියන මතයේ තමයි මම සිටින්නේ. ඒ වගේම අපහසුම වෙලාවෙත් මිලියන 2 කට වැඩි පිරිසක් දක්ෂිණාංශික කඳවුරේ සිටිනවා. දක්ෂිණාංශික කදවුර පටන් ගන්නේ මිලියන 2 ක ඡන්ද වලින්. වාමාංශික කදවුර පටන් ගත්තේ ඡන්ද ලක්ෂ 5 කින්. ඒ වගේම අපි දේශපාලනය සිදුකරන්නේ හැමදාම විපක්ෂයේ සිටින්න නෙවෙයි. එන ඕනෑම මැතිවරණයකින් ජයග්‍රහනය කරන්න තමයි කටයුතු කළ යුත්තේ. පරාජය වෙන්න දේශපාලනය සිදුකරලා වැඩක් නෑ. ඒ වගේම මගේ සහාය තවමත් පක්ෂයට තිබෙනවා. ඒ වගේම පක්ෂය නිර්මාණය කරලා අසිරුම මැතිවරණ මෙහෙයවලා , මැතිවරණ ජයග්‍රහනය කරන්න කටයුතු කරලා පක්ෂය දාලා යන්න අපි කටයුතු කරන්නේ නෑ