යාපනය ප්‍රදේශයේදී 2011 වසරේදී අතුරුදන්වූ මානව හිමිකම් ක්‍රියාකාරීන් දෙදෙනකු වන ලලිත් වීරරාජ් සහ කූගන් මුර්ගානන්දන් සම්බන්ධයෙන් ඔවුන්ගේ ඥාතීන් විසින් යාපනය මහෙස්ත්‍රාත් අධිකරණය හමුවේ ගොනු කර ඇති හබයාස්කෝපුස් පෙත්සම් විභාගයේදී තමන් සාක්ෂි ලබාදීමට සූදානම් බව හිටපු ආරක්ෂක ලේකම් හා හිටපු ජනාධිපති ගෝඨාභය රාජපක්ෂ මහතා සිය නීතිඥවරුන් මාර්ගයෙන් ඊයේ (30දා) ශ්‍රේෂ්ඨාධිකරණයට දැනුම් දුන්නේය.
ගෝඨාභය රාජපක්ෂ මහතා වෙනුවෙන් පෙනී සිටි ජනාධිපති නීතිඥ රොමේෂ් ද සිල්වා මහතා මේ බව පැවැසීය.
එම නඩුවට සාක්ෂි ලබාදීම සඳහා සිය සේවාදායකයාට යාපනය මහෙස්ත්‍රාත් අධිකරණයට යෑම ඔහුගේ ආරක්ෂාවට ගැටලුවක් විය හැකි බැවින්, එම සාක්ෂි විභාගය කොළඹදී පැවැත්වීමට හැකි නම් වඩාත් සුදුසු බවද යසන්ත කෝදාගොඩ, කුමුදුනි වික්‍රමසිංහ හා ශිරාන් ගුණරත්න යන විනිසුරු මඬුල්ල හමුවේදී ජනාධිපති නීතිඥවරයා කියා සිටියේය.
එම ඉල්ලීම යාපනය මහෙස්ත්‍රාත්වරයාගෙන් කරනා ලෙස විනිසුරු මඬුල්ල ඔහුට දැනුම් දුන්නේය. අභියාචනාධිකරණය විසින් කරන ලද නියෝගයක් අනුව යාපනය මහෙස්ත්‍රාත් අධිකරණය විසින් එම හබයාස්කෝපුස් පරීක්ෂණ ආරම්භ කොට තිබිණි. එකී මහෙස්ත්‍රාත් පරීක්ෂණය සඳහා අවශ්‍ය සාක්ෂි ලබාදීමට මහෙස්ත්‍රාත් අධිකරණය හමුවේ පෙනී සිටින්නැයි දන්වා යාපනය මහෙස්ත්‍රාත්වරයා විසින් ගෝඨාභය රාජපක්ෂ මහතාට සිතාසි නිකුත් කර තිබූ අතර එම සිතාසිය ක්‍රියාත්මක කිරීම වළක්වමින් අභියාචනාධිකරණය නියෝගයක් නිකුත් කොට තිබිණි. අභියාචනාධිකරණයේ එකී නියෝගයට එරෙහිව ලලිත් වීරරාජ් සහ කූගන් මුර්ගානන්දන්ගේ ඥාතීන් ඉදිරිපත් කොට තිබූ අභියාචනාව ඊයේ ශ්‍රේෂ්ඨාධිකරණය හමුවේ කැඳවිණි.
ගෝඨාභය රාජපක්ෂ මහතා සාක්ෂි ලබාදීමට එකඟවීම නිසා එකී අභියාචනා පෙත්සම සම්බන්ධයෙන් වූ නඩු කටයුත්ත අවසන් කිරීමට දෙපාර්ශ්වයේ එකඟතාව අනුව විනිසුරු මඬුල්ල නියෝග කළේය. නීතිඥ නුවන් බෝපගේ මහතා ලලිත් – කූගන් ගේ ඥාතීන් වෙනුවෙන් පෙනී සිටියේය.
මේ අතර මෙම මළසිරුරු පිළිබඳ පශ්චාත් මරණ පරීක්ෂණය පේරාදෙණිය විශ්වවිද්‍යාලයේ වෛද්‍ය පීඨයේදී පෙරේදා (29දා) පස්වරුවේ සිදුකර ඇති අතර එහිදී එම මරණ සම්බන්ධයෙන් විවෘත තීන්දුවක් ලබාදෙමින් ශරීර කොටස් රස පරීක්ෂක වෙත යොමුකර තිබේ.
විපක්ෂනායකවරයා, බිරිඳ හා දියණියට කිසියම් පෙති වර්ගයක් බීමට දී ඔවුන්ගේ ගෙල සිරකර මරා දමන්නට ඇති බවට පොලිසිය සැක කරන අතර ඒ සම්බන්ධයෙන් ස්ථිර යමක් ප්‍රකාශ කළ හැකි වන්නේ අදාළ රස පරීක්ෂක වාර්තා ලැබුණු පසුව බව පොලිසිය සඳහන් කරයි.