සමෘද්ධිලාභීන්ගේ අනිවාර්යය ඉතුරුම් ගිණුම්වල සහ එහි අරමුදල් වල පැවැති කෝටි 5360ක මුදලක් රජයේ විවිධ අවශ්‍යතා සඳහා ලබාදී ඇතත් මින් රුපියල් කෝටි 270ක පමණ මුදලක් මහා භාණ්ඩාගාරයෙන් තවමත් අය කරගෙන නැතැයි ජාතික විගණන කාර්යාලය නිකුත් කළ විගණන වාර්තාවක සඳහන් වනවා.
ඒ අනුව විගණන කාර්යාලය නිර්දේශ කර ඇත්තේ, එම හිඟ මුදල් වහා නිරවුල් කරන ලෙසයි.
මේ අතර සමෘද්ධි කොමසාරිස් ජනරාල් දෙපාර්තමේන්තුවෙන් සමෘද්ධි සහනාධාර ගෙවීම සඳහා ලබාගෙන ඇති මුදලේ තවදුරටත් පියවිය යුතු දෙපාර්තමේන්තුවේ පොදු තැන්පත් ගිණුමේ පවතින රුපියල් කෝටි 237 කට වැඩි මුදල භාණ්ඩාගාරයේ ප්‍රතිපූරණය කර ගැනීම සඳහා අනුමැතිය ලබා ගැනීමට අවසන් වරට මෙම වසරේ අප්‍රේල් මස 3 වැනිදා කැබිනට් සංදේශයක් පිළියෙල කර අමාත්‍යාංශයට ඉදිරිපත් කළ බව සමෘද්ධි සංවර්ධන දෙපාර්තමේන්තුව පවසනවා.
සමෘද්ධියේ වංචාවක් විගණනයෙන් හෙළිවෙයි
