ගාස්තු වැඩි කරනවාද නැද්ද ගැන මහජන අදහස් විමසයි

2025 වසරේ අවසන් කාර්තුව සඳහා ලංකා විදුලිබල මණ්ඩල විසින් සියයට 6.8ක විදුලි ගාස්තු වැඩිකිරීමක් යෝජනා කර ඇති බව මහජන උපයෝගීතා කොමිසම පවසනවා.

එලෙස ඉදිරිපත් කර ඇති සංශෝධන යෝජනාව පිළිබඳ මහජන අදහස් ලබාගැනීමට ශ්‍රී ලංකා මහජන උපයෝගිතා කොමිසම තීරණය කර තිබෙනවා. 

ඒ අනුව එම කොමිසම සඳහන් කරන්නේ, මහජනතාවට සිය අදහස් හා යෝජනා ලිඛිතව කොමිෂන් සභාව වෙත ඉදිරිපත් කළ හැකි බවයි. 

වාචික අදහස් දැක්වීම සඳහා පළාත් 9 ආවරණය වන පරිදි මහජන උපදේශන 9 ක් පැවත්වෙන බව මහජන උපයෝගීතා කොමිසම පවසනවා. 

වාචික අදහස් දැක්වීමේ සැසි 2025 සැප්තැම්බර් 18 වන දින ආරම්භ වනවා. 

මහජන උපදේශනයේ ලිඛිත අදහස් හා යෝජනා 2025 ඔක්තෝබර් 07 වැනි දිනට පෙර පහත සඳහන් මාර්ග ඔස්සේ ඉදිරිපත් කළ හැකි බව මහජන උපයෝගීතා කොමිසම පවසනවා.

ඊමේල් – This email address is being protected from spambots. You need JavaScript enabled to view it.
වස්ඇප් – 076 427 1030
ෆේස්බුක් – www.facebook.com/pucsl
තැපෑලෙන් –  තුන්වෙනි විදුලි ගාස්තු පිළිබඳ මහජන උපදේශනය 2025
                      ශ්‍රී ලංකා මහජන උපයෝගිතා
                      කොමිෂන් සභාව
                      6 වන මහල, ලංකා බැංකු වෙළද කුළුණ,
                      කොළඹ 3