පවතින ආපදා තත්ත්වය හේතුවෙන් නියමිත සියලුම විභාග කල් දමා ඇති බව විභාග කොමසාරිස් ජනරාල් ඉන්දිකා ලියනගේ මහත්මිය අද නිවේදනය කළාය.
පවතින අයහපත් කාලගුණික තත්ත්වයන් මධ්‍යයේ පාසල් නැවත විවෘත කිරීම, ඉදිරියේදී පැවැත්වීමට නියමිත අ.පො.ස. උසස් පෙළ විභාග සහ අනෙකුත් ජාතික විභාග පැවැත්වීම පිළිබඳව පැවති මාධ්‍ය හමුවකදී ඇය මේ බව ප්‍රකාශ කළාය.
සිසුන්ගේ ආරක්ෂාව සහ ගංවතුර, නායයෑම් සහ ප්‍රවාහන බාධා හේතුවෙන් ඇති වන අභියෝග සැලකිල්ලට ගනිමින් මෙම තීරණය ගත් බව ලියනගේ මහත්මිය පැවසුවාය.
තත්ත්වය යහපත් වූ පසු සහ අදාළ බලධාරීන් සමඟ සාකච්ඡා කිරීමෙන් පසු නව විභාග දිනයන් ප්‍රකාශයට පත් කරන බව ඇය වැඩිදුරටත් පැවසුවාය
උසස්පෙල විභාගය දින නියමයක් නැතිව කල් දැමේ...
