මේ වෙස්මුහුණු පැළඳ සෙල්ලම් කරන දසුනක් නොවේ.
ගම්පහ ගණේමුල්ල කුඩාබොල්ලන ශ්‍රී සුමංගල ප්‍රාථමික විද්‍යාලයේ ඉගෙනුම ලබන පුංචි දුවක් සිය අධ්‍යාපන අයිතිය ඉල්ලා ගම්පහ කලාප අධ්‍යාපන කාර්යාලය ඉදිරිපිට උපවාස කරන අන්දමය. වෙස්මුහුණ ජීවිතය ආරක්ෂා කර ගැනීම සඳහාය. හඳුනාගැනීම තර්ජනයක් නිසාය.
දස හැවිරිදි ඇය මෙවර ශිෂ්‍යත්වයට පෙනී සිටින පන්තියේ පළමුවැනියා වන දියණියකි. ඇත්ත ඇගේ අම්මා HIV ආසාධිතයෙකි. නමුත් ඇය එවැනියන් සමාජගත කරන සංවිධානයක් හරහා නිසි ලෙස සමාජ ගත වී ජීවිතය ගැට ගසා ගනී.
එහෙත් පාසල් බලධාරීන් අයුක්ති සහගත ලෙස ඉල්ලන්නේ දරුවාගේ ජීවිතයයි. ඔවුන්ට අවශ්‍ය මේ අහිංසක දරුවා පාසලෙන් නෙරපීමයි. නිලධාරින් නිහඬය. මාධ්‍ය නිහඬය. අවිද්‍යාව ප්‍රබලය. විදුහල්පති අමනය.
මානව හිමිකම් මරණයට පත්ව ඇත. හදවත් ඇත්තවුනි එය කුලියාපිටියෙන් නැවතී නැත. මේ ඔබේ වාරයයි. අහිංසක දරුවාගේ අධ්‍යාපන අයිතිය සඳහා සමාජ මාධ්‍ය කතිකාව අරඹමු.
සබැඳි පුවත්