දිවයිනෙහි ප්‍රදේශ ගණනාවක් නියෝජනය කරමින් මුස්ලිම් කාන්තා නියෝජිතවරියන් විශාල පිරිසකගේ සහභාගිත්වයෙන් පසුගිය 25 වෙනි දින පාර්ලිමේන්තු වට රවුම අසල අයිතීන් දිනාගැනීමේ උද්ගෝෂණයක් පවත්වන ලදී.
වසර 60කට ආසන්න මුස්ලිම් විවාහ සහ දික්කසාද පනත වහාම සංශෝධනය විය යුතු බව ඔවුන්ගේ ඉල්ලීම විය.දිවයිනෙහි ප්‍රදේශ ගණනාවක් නියෝජනය කරමින් මුස්ලිම් කාන්තා නියෝජිතවරියන් විශාල පිරිසකගේ සහභාගිත්වයෙන් පසුගිය 25 වෙනි දින පාර්ලිමේන්තු වට රවුම අසල අයිතීන් දිනාගැනීමේ උද්ගෝෂණයක් පවත්වන ලදී. වසර 60කට ආසන්න මුස්ලිම් විවාහ සහ දික්කසාද පනත වහාම සංශෝධනය විය යුතු බව ඔවුන්ගේ ඉල්ලීම විය.
තම අයිතීන් උදෙසා සටන් වදින මුස්ලිම් කාන්තාවන්ගේ ප්‍රමුඛතම ඉල්ලීමක් වන්නේ මුස්ලිම් විවාහ නීතිය අනුව කාන්තාවනට විවාහ ගිවිස ගැනීම සඳහා නිශ්චිත වයස් සීමාවක් සඳහන්ව නොමැති බැවින් , අවම වශයෙන් එය අවුරුදු 18 ඉක්ම විය යුතු බව සඳහන් කොට නීති සංශෝධනය විය යුතු බවය.
එමෙන්ම යල් පැනගිය ආගමික නීති වෙනස් විය යුතු බව මෙන්ම මුස්ලිම් කාන්තාවනටද තීරණ ගැනීමේදී අයිතිය හිමිවිය යුතු බවත් ඔවුහු වැඩිදුරටත් ප්‍රකාශ කර සිටියහ.
කාන්තා ක්‍රියාකාරී ජාලය, මුස්ලිම් කාන්තා සංවර්ධන පදනම, අගතියටපත් කාන්තා සංශදය, මන්නාරම කාන්තා සංවර්ධන පදනම ආදී සංවිධාන ගණනාවක නියෝජිතවරියන් මෙම විරෝධතාව සඳහා එක්ව සිටියහ.
මෙවැනිම උද්ගෝෂණ රැල්ලක් පසු ගිය වසරේ ටියුනීසියාවේ මුස්ලිම් කාන්තාවන් දියත් කල අතර, අවසානයේ එරට ජනපතිට සියලු නීති සංශෝධනය කිරීමට සිදු විය.එමෙන්ම වර්තමානයේ උග්‍ර ආගමික නීති රීති වලින් පාලනය කල සෞදි අරාබිය පවා ජනතාවගේ ඉල්ලෙම් වලට කන්දීමට සිදුව ඇත.
ඕනෑම අයිතිවාසිකමක් බන්දේසියක තබා කිසිවෙකු පිරිනමන්නේ නැත. ඔබලා ගෙන යන මේ අරගලය ජයග්‍රහණයෙන් කෙලවර දකිනු ඇත. මෙතෙක් බුර්කාවට වසා දමා තිබු ඔබේ නිහඬ බව බිඳිමින් අයිතීන් උදෙසා සටන් වදින්න. සමාජයේ හොඳම කොටස ඔබේ සටන ජය ගැනීමට එක්වනු ඇත. ජය වේවා සහෝදරියනි ..!!