බස්නාහිර පළාත් සභාවේ සැප පුටු ගනුදෙනුවේ සිට එහි සියලූ ඉදිකිරීම් හා මිලදී ගැනීම් තුළ දුෂණයන් ඇති බවට දැනට තොරතුරු අනාවරණය වී ඇති බැවින් ඒ සියල්ල සම්බන්ධයෙන් විගණන පරික්ෂණයක් කරන ලෙස විගණකාධිපතිට පැමිණිලි කරන බව ජනතා විමුක්ති පෙරමුණේ බස්නාහිර පළාත් සභා මන්ත්‍රී ලක්ෂ්මන් නිපුණආරච්චි (16) පවසයි.
විගණන පරික්ෂණ වාර්තාව ලැබුණු පසු දූෂණයක් සිදුව තිබෙන බව තහවුරු වන්නේ නම් අල්ලස් හෝ දුෂණ විමර්ශන කොමිසමට පැමිණිලි කිරිමට බලාපොරොත්තු වන බවද නිපුණආරච්චි පැවසීය.
බස්නාහිර පළාත් සභාවේ සිදුව තිබෙන එකම දූෂණය සැප පුටු ගනුදෙනුව නොවේ. ශබ්ද විකාශන යන්ත්‍ර ඇතුළු කැමරා පද්ධති සැපයීමට රටේ සුප්‍රසිද්ධ, වැඩකර මනා පළපුරුද්දක් සහිත ආයතනයකින් මිලියන 72කට අයදුම්පතක් ඉදිරිපත් කර තිබියදී එහි අත්සන් තිබුණේ නැතිකම තාක්ෂණික ප්‍රශ්නයක් සේ ඉදිරිපත් කරමින් මිලියන 109කට අයදුම්පතක් ඉදිරිපත් කළ සමාගම තෝරාගෙන සභා ගොඩනැගිල්ලේ පිට පොත්ත විතරයි. ඇතුල හිස්. මදේ නැහැ. කැන්ටිමේ වයර් එල්ලෙනවා.
එහි තිබෙන්නේ මන්ත්‍රීවරුන්ගේ පරණ භෝජනාගාරයේ පුටු. නමුත් පුටුවලට ඇස්තමේන්තුවේ මුදල් වෙන්කර තිබෙනවා. සභාපති පිවිසුම් දොර, මෙහි මිල බැලූවාම ඒකට දෙර කියන්න බැරි නිසා මම කියන්නේ ද්වාරය කියලා. මේ පිවසුම් ද්වාරයට කෝටියකට අධික මුදලක් වැය වි ඇති බව තමයි මට ලැබී තිබෙන තොරතුර අනුව තහවුරු වන්නේ.
ලංකාදීප