ඇත්ත අගමැති කවුද යන්න ගැන හොයනවා විනා මේ රටේ මිනිස්සුන්ට වෙන වැඩක් නැති බව පාර්ලිමේන්තු මන්ත්‍රි කුමාර වෙල්ගම මහතා පවසයි. රට අකාර්යක්ෂම වී රටේ සියලු වැඩ අතරමග නතර වී ඇති බව පවසන වෙල්ගම මහතා නව රජයේ තනතුරු කිසිවක් භාර ගැනීමට තමාගේ කිසිදු අදහසක් නැති බවත් ඉදිරියේදී පාර්ලිමේන්තුවේ ස්වාධීන වන බවත් කියා තිබේ.
එක් අගමැතිවරයෙක් අගමැති නිළ නිවසේද, තවත් අයෙක් අගමැති කාර්යාලයේද සිටින බව පවසන වෙල්ගම මහතා සැබෑ අගමැති කවුද යන්න සම්බන්ධයෙන් ජනතාව අන්ද මන්ද වී සිටින බව කියා සිටියි. ව්‍යවස්ථාව උල්ලංඝනය නොකර සියල්ල සිදු කරන ලෙස අවධාරණය කරන වෙල්ගම මන්ත්‍රීවරයා ඇති වී තිබෙන තත්වය පිළිබඳව තමාට කිසිසේත් සතුටු විය නොහැකි බව පවසයි.