පාර්ලිමේන්තුව විසුරුවා හැරීමට නිකුත් කළ ගැසට් නිවේදනය අත්හිටුවමින් ශ්‍රේෂ්ඨාධිකරණය අතුරු තහනම් නියෝගයක් නිකුත් කළේය.
එය දෙසැම්බර් 7 වැනිදා දක්වා බලපැවැත්වේ.
ඒ අනුව ශ්‍රේෂ්ඨාධිකරණය විසින් ජනාධිපතිවරයාගේ තීන්දුව සම්බන්ධ විභාගය තවදුරටත් පවත්වනු ඇත.
ජනාධිපතිවරයාගේ තීන්දුව ව්‍යවස්ථා විරෝධී බව පවසමින් දේශපාලන පක්ෂ, මන්ත්‍රීවරුන් සහ ක්‍රියාකරුවන් විසින් පෙත්සම් 12ක් ඉදිරිපත් කර තිබුණු අතර පාර්ලිමේන්තුව විසුරුවා හැරීමට ජනාධිපතිවරයාට බලය තිබෙන බව පවසමින් මැති, ඇමතිවරුන් විසින් පෙත්සම් 5ක් ඉදිරිපත් කර තිබුණි.