මුළු මහත් රටම ඒකාධිපති දිෂ්ටියකින් වෙලාගනිමින් සිටි මොහොතක පාර්ලිමේතුව තුළ ප්‍රජාතන්ත්‍රවාදය, යහපාලනය, නීතියේ ආධිපත්‍ය ගරු කරන සියලු දෙනා පක්ෂ පාට බේදයකින් තොරව ඒකරාශී වී ඒකාධිපති ගමන් මගට තිතක් තැබූ බව අමාත්‍ය මංගල සමරවීර පවසයි.
විශේෂයෙන්ම ඒ සඳහා ඊයේ(14) දින පාර්ලිමේන්තුවේදී ජනතා විමුක්ති පෙරමුණ විසින් ඊනියා රජයට විරුද්ධව ඉදිරිපත් කරන ලද විශ්වාසභංග යෝජනාවට එම පෙරමුණේ මන්ත්‍රීවරු හය දෙනාත්, ද්‍රවිඩ සන්ධානයේ මන්ත්‍රීවරු14 දෙනාත්, එක්සත් ජාතික පක්ෂයේ සියලුම මන්ත්‍රීවරු සහ ශ්‍රී ලංකා නිදහස් පක්ෂයේ ඇමතිවරු පිරිසක් පවා ඡන්දය දීමෙන් ලබාගත් ඡන්ද 122 ක අතිවිශිෂ්ට ජයග්‍රහණය හේතු වූ බව අමාත්‍යවරයා සඳහන් කරයි.
මේ ජයග්‍රහණයෙන් මෙතෙක් අග්‍රාමාත්‍යවරයා වශයෙන් නීති විරෝධී ලෙස පත් වී සිටි මහින්ද රාජපක්ෂ, කැබිනට් මණ්ඩලය, විවිධ ආයතනවල ප්‍රධානීන්, ජනමාධ්‍ය ප්‍රධානීන් සියල්ලම අහෝසි වී යාම නිසා යලි වතාවක් රට තුළ ප්‍රජාතන්ත්‍රවාදිව බලයට පත් වූ එක්සත් ජාතික පෙරමුණ ප්‍රමුඛ අනෙකුත් සියලුම දෙනාටම මෙතෙක් ගෙන ගිය යහපාලන ක්‍රියාමාර්ගය බාධා වලින් තොරව ඉදිරියට ගෙන යාමට අවස්තාවක් ලැබෙන බව අමාත්‍ය මංගල සමරවීර ප්‍රකාශ කළේය.
එම ප්‍රකාශය පහතින්,