සෙංකෝලය රැගත් වේත්‍රධාරියා සමඟ කතානායකවරයා පොලිස් ආරක්ෂාව මධ්‍යයේ පාර්ලිමේන්තු සභාගර්භයේ කතානායක අසුන වෙත පැමිණීමට උත්සහ කළ ද මහින්ද රාජපක්ෂ ගෝල බාල පිරිස ඉතාමත් අශෝබන ලෙස හැසිරෙමින් ඊට ඉඩ ලබා නොදුන්හ.
කලහකාරී ලෙස හැසිරුණු එම එජනිස මන්ත්‍රීවරුන් පිරිස කතානායකවරයා දෙසට පුටු, පොත්, වතුර වලින් පවා දමා ගැසූ අතර ජනතා විමුක්ති පෙරමුණේ සහ එක්සත් ජාතික පෙරමුණේ මන්ත්‍රීවරුන්ට මිරිස් කුඩු ප්‍රහාරයක් එල්ල කළ බවට ද චෝදනා එල්ල වේ.
එම ප්‍රහාර වලින් පොලිස් නිලධාරීන් කිහිප දෙනක් ද තුවාල ලැබුහ.
කතානායකවරයාට කිසිලෙසකින් හෝ පාර්ලිමේන්තු අසුන වෙත යාමට මහින්ද පාර්ශවය ඉඩ ලබා නොදුන් අතර විවිධ බඩු වලින් දමා ගසමින් කතානායකවරයා සහ ආරක්ෂාවට සිටි පොලිස් නිලධාරීන් ඇතුළු පිරිසට දිගින් දිගටම පහර දීමට උත්සහ කළහ.