නීත්‍යනුකූල නොවන ආණ්ඩුවට දෙසැම්බර් වනතෙක් තවදුරටත් කටයුතු කරන්නට ඉඩ දුන්නොත් තත්වය තවත් ගැටලු සහගත වනු ඇති බව පාර්ලිමේන්තු මන්ත්‍රී මංගල සමරවීර අවධාරණය කරයි.
අද (27) පාර්ලිමේන්තුව රැස්වූ අවස්ථාවේ දී ඔහු මේ බව ප්‍රකාශ කළේ ය.
එසේම ඉදිරියේදී නිත්‍යානුකුල රජයක් පත් නොකළහොත් ජනවාරි පළමු වැනිදා පටන් රාජ්‍ය සේවක වැටුප් ලබා දීමට නොහැකි වනු ඇති බව ද පාර්ලිමේන්තු මන්ත්‍රී මංගල සමරවීර වැඩිදුරටත් පැවසිය.
“නීත්‍යනුකූල නොවන ආණ්ඩුව තවදුරටත් මේ ආකාරයටම දෙසැම්බර් වෙනකම් ඉදිරියට යන්න දුන්නොත් අපිට මීට වැඩිය ගැයලුවලය මුහුණ දෙනවා. භාරකාර අරමුදලින් මුදල් නිකුත් කරන්නට වරෙන්තුව නිකුත් කළ හැකි නීත්‍යනුකූල මුදල් ඇමැතිවරයෙක් නෑ. ඉදිරියේදී නීත්‍යනුකූල රජයක් පත් නොකළොත් ජනවාරි පළමු වැනි දා සිට රජයේ සේවකයන්ට වැටුප් ගෙවන්න බැරි වෙයි. ඔබතුමා ජනාධිපතිවරයාට කියන්න රට පාවා නොදී රජයක් පත් කරන්න කියලා.”