පාර්ලිමේන්තුවේ 225 දෙනාම අත්සන් කළත් එක්සත් ජාතික පෙරමුණේ නායක පාර්ලිමේන්තු මන්ත්‍රී රනිල් වික්‍රමසිංහට අග්‍රාමාත්‍ය ධූරය නොදෙන බව ජනාධිපති මෛත්‍රිපාල සිරිසේන පවසා තිබේ.
ජනාධිපතිවරයා මේ බව ප්‍රකාශ කර ඇත්තේ එක්සත් ජාතික පෙරමුණේ නායකයින් සමඟ අද (03) පස්වරුවේ ජනාධිපති ලේකම් කාර්යාලයේ දී පැවති සාකච්ඡාවේ දී ය.
රට දිගින් දිගටම අස්ථාවර තත්වයකට පත් නොකර ගැටළු විසඳා ගැනීමට ජනාධිපතිවරයා සහාය ලබා දිය යුතු බව පක්ෂ නායකයින් එහිදී පෙන්වා දී තිබේ.
එසේම රනිල් වික්‍රමසිංහ මහතාට අගමැති ධූරය ලබා දී මතුව ඇති දේශපාලන අර්බුදයට විසඳුම් ලබා දෙන ලෙසත් ඔවුන් යෝජනා කර ඇත.
කෙසේ වෙතත් රට පත්ව ඇති අර්බුදකාරී තත්වය පිළිබඳ වගේ වගක් නැති ජනාධිපතිවරයා එක්සත් ජාතික පෙරමුණේ පක්ෂ නායකයින්ගේ යෝජනාවට එකඟ වී නැති අතර ඒ අනුව අද පැවති සාකච්ඡාව ද තීරණයකින් තොරව අවසන් වී තිබේ.