රනිල් වික්‍රමසිංහ මහතාට අග්‍රාමාත්‍ය ධුරයේ කටයුතු කිරීමට පාර්ලිමේන්තුව තුල බහුතර බලය ඇතැයි පෙන්වීම සඳහා ඉදිරිපත් කළ යෝජනාව අද (12) පාර්ලිමේන්තුවේදී වැඩි ඡන්දයෙන් සම්මත විය.
යෝජනාවට පක්ෂව ඡන්ද 117ක් ලැබුණු අතර විපක්ෂව ඡන්ද ලැබුනේ නැත.
යෝජනාව සම්මත වීමෙන් අනතුරුව පාර්ලිමේන්තුව ඇමතු රනිල් වික්‍රමසිංහ මහතා යෝජනාව විවාද කර සම්මත කරගැනීමට සහය දුන් සියලු දෙනාට ස්තුතිය පළ කළ අතර අලුත් ආණ්ඩුක්‍රම ව්‍යවස්ථාවෙන් ඒකීය සහ නොබෙදුණු රාජ්‍යක් තුලින් සියලුම ජනවර්ගවලට ජීවත් විය හැකි පරිසරයක් ගොඩනනගන බවට ද ප්‍රකාශ කළේ ය.
කතානායකවරයා 2018 දෙසැම්බර් 18 වැනිදා පස්වරු 1 වන තෙක් පාර්ලිමේන්තුව කල් තැබීය.