ජනතා විමුක්ති පෙරමුණ විසින් ඉදිරිපත් කළ විධායක ජනාධිපති ක්‍රමය අහෝසි කිරීමේ යෝජනාවට එක්සත් ජාතික පෙරමුණ සහය පළ කර තිබේ.
අද (18) පාර්ලිමේන්තු කල් තැබීමේ විවාදය සඳහා ජනතා විමුක්ති පෙරමුණු පාර්ලිමේන්තු මන්ත්‍රී නලින්ද ජයතිස්ස මෙම යෝජනාව ඉදිරිපත් කළ අතර එය එම පක්ෂ පාර්ලිමේන්තු මන්ත්‍රී විජිත හේරත් විසින් ස්ථිර කළේ ය.
විධායක ජනපති ක්‍රමය අහෝසි කිරීම යහපාලන රජයේ පොරොන්දුවක් බැවින් තමා ඊට සහය පළ කිරීමට සුදානම් බව එක්සත් ජාතික පක්ෂ පාර්ලිමේන්තු මන්ත්‍රී මලික් සමරවික්‍රම එහිදී ප්‍රකාශ කරන ලදී.
හෙට (19) දිනයේ දී ද විවාදය පැවැත්වෙන අතර පස්වරු 1 ට පාර්ලිමේන්තුව රැස්වීමට නියමිත ය.