තායිලන්ත අග්‍රාමාත්‍ය Paetongtarn Shinawatra ආණ්ඩුක්‍රම ව්‍යවස්ථාව උල්ලංඝනය කළ බවට එල්ල වූ චෝදනාවක් මත එරට ආණ්ඩුක්‍රම ව්‍යවස්ථා අධිකරණයේ නියෝගයකින් ධූරයෙන් පහ කර තිබෙන බව විදෙස් මාධ්‍ය වාර්තා පවසයි.
එම මාධ්‍ය වාර්තා සඳහන් කරන ආකාරයට මෙම තීරණයට හේතුව වී ඇත්තේ, ඇය විසින් කාම්බෝජ නායකයෙකු සමඟ සිදු කරන ලද මතභේදාත්මක දුරකථන සංවාදයකි.
මෙම සංවාදයේදී, ඇය තායිලන්තයේ ජාතික ආරක්ෂාවට හානිකර අදහස් ප්‍රකාශ කළ බවට චෝදනා එල්ලවී තිබේ.
එමගින් ඇය ආණ්ඩුක්‍රම ව්‍යවස්ථාවේ ආචාර ධර්ම නීති උල්ලංඝනය කර ඇති බවට අධිකරණය තීරණය කර ඇත.
අධිකරණ තීන්දුව හේතුවෙන් ඇය ක්ෂණිකව සිය ධූරයෙන් ඉවත් වී ඇති අතර, මෙය තායිලන්ත දේශපාලනය තුළ යළිත් නොසන්සුන්කාරී තත්ත්වයක් ඇති කිරීමට ඉඩ ඇති බවද විදෙස් මාධ්‍ය වාර්තා පවසයි.