රට ගොඩ නැගිම වෙනුවෙන් සියලු දෙනාම එක්වන ලෙස ශ්‍රී ලංකාවේ 8 වන විධායක ජනාධිපතිවරයා ලෙස අද (20) තේරී පත්වූ රනිල් වික්‍රමසිංහ
පාර්ලිමේන්තුවේ සියලු මන්ත්‍රීවරුන්ගෙන් ඉල්ලා සිටියි.
පාර්ලිමේන්තු ඡන්ද ප්‍රතිපල ප්‍රකාශයෙන් අනතුරුව ප්‍රකාශයක් සිදු කරමින් අභිනව ජනාධිපතිවරයා කියා සිටියේ තමන් ජනපති ලෙස පාර්ලිමේන්තු සභා ගැබෙන් පිටත පාර්ලිමේන්තු සංකීර්ණය තුළ දී ජනපතිවරයා ලෙස දිවුරුම් දෙන බවයි.
ජනාධිපති ඡන්දයට ඉදිරිපත් වූ අපේක්ෂකයන් අතුරින් රනිල් වික්‍රමසිංහ ඡන්ද 134 ක් ද, ඩලස් අලහප්පෙරුම ඡන්ද 82 ක්ද අනුර දිසානායක ඡන්ද 03 ක් ද ලබා ගත්හ.
ජනාධිපතිවරයා තෝරන ඡන්ද විමසීමට පාර්ලිමේන්තුවේ මන්ත්‍රීවරුන් 225 දෙනාගෙන් 223 දෙනෙක් ඡන්දය ප්‍රකාශ කළහ.
එම ප්‍රකාශිත ඡන්ද ප්‍රමාණයෙන් ඡන්ද හතරක් අවලංගු බව ප්‍රකාශයට පත් කෙරුණු අතර මන්ත්‍රීවරු දෙදෙනෙක් ඡන්දය දීමෙන් වැළකී සිටියහ.