පැය 24 තුළ දිවයින පුරා සිදුවූ රිය අනතුරුවලින් පුද්ගලයින් 04 දෙනෙකු මියගොස් තිබෙනවා.
කෑගල්ල, වාලච්චේන, මාතලේ සහ කැකිරාව යන ප්‍රදේශවලින් මෙම අනතුරු වාර්තා වී ඇති බවයි පොලිසිය සදහන් කළේ.
කෑගල්ල - බෙරගල මාර්ගයේ දැව කඳන් පටවමින් තිබූ ට්‍රක් රථයක් සහ යතුරුපැදියක් ගැටීමෙන් 53 හැවිරිදි යතුරුපැදිකරු මියගොස් තිබෙනවා.
වාලච්චේන ප්‍රදේශයේ සිදුවූ අනතුරෙන් මියගියේ 85 හැවිරිදි වයෝවෘද්ධ පුද්ගලයෙක්.
මේ අතර මාතලේ - වත්තේගම මාර්ගයේ උකුවෙල ප්‍රදේශයේදී ත්‍රිරෝද රථයක් රියදුරුට පාලනය කර ගැනීමට නොහැකිව වම් පසට ධාවනය වී මෝටර් රථයක ගැටී ත්‍රීරෝද රථයේ රියදුරු ජීවිතක්ෂයට පත්වුණා.
එමෙන්ම කැකිරාව - දඹුල්ල මාර්ගයේ ඇලගමුව ප්‍රදේශයේදී මහනුවර දෙස සිට අනුරාධපුර දෙසට ධාවනය වූ බස් රථයක, අත්ට්‍රැක්ටරයක් ගැටී සිදුවූ අනතුරකින් 49 හැවිරිදි පුද්ගලයෙකුද මියගොස් ඇති බවයි පොලිසිය සඳහන් කළේ