තම පියා අත්අඩංගුවට ගත්තත් නැතත් වර්තමාන ආණ්ඩුව පෙරළා දමන බව හිටපු පාර්ලිමේන්තු මන්ත්‍රී චතුර සේනාරත්න මහතා පවසයි. රාජිත සේනාරත්න යනු අල්ලස් පනත ගෙනඒම සඳහා පෙරමුණ ගෙන කටයුතු කළ අයෙක් බව ද හෙතෙම පැවැසීය.
ඉතිහාසය විසින් රාජිත සේනාරත්න මහතා නිදොස් කොට නිදහස් කරනු ඇති බවද කී ඒ මහතා මීට පෙරද අද මෙන්ම චෝදනාවන්ට තම පියා ලක් කළ බවත් අධිකරණය විසින්ම ඔහුව නිදොස් කොට නිදහස් කර ඇති බවත් කියා සිටියේය. ඒ මහතා මේ බව කියා සිටියේ ඊයේ (14) පෙරවරුවේ අධිකරණය හමුවට පැමිණීමෙන් පසු මාධ්‍ය වෙත අදහස් පළ කරමිනි.