පාර්ලිමේන්තු සභා ගර්භය තුළ මන්ත්රීවරියන් වාචික හිංසනයට හෝ අපහාසයට ලක් වනපරිදි පාර්ලිමේන්තු මන්ත්රීවරුන් විසින් සිදුකරනු ලබන හැසිරීම් හෝ ප්රකාශ වැළැක්වීම පිණිස පාර්ලිමේන්තුවේ ස්ථාවර නියෝග සංශෝධනය කිරීම සඳහා පාර්ලිමේන්තු මන්ත්රීවරියන්ගේ සංසදයයෙන් කථානායකවරයා වෙත ඉල්ලීමක් කර තිබේ.
පාර්ලිමේන්තු සන්නිවේදනය අංශය සඳහන් කළේ අමාත්ය සරෝජා සාවිත්රි පෝල්රාජ් ඇතුළු සංසදයේ සාමාජිකාවන්ගේ අත්සනින් යුතුව මෙම ඉල්ලීම ඉදිරිපත් කර ඇති බවය.
විශේෂයෙන්ම, පාර්ලිමේන්තු මන්ත්රීවරියන් ඉලක්ක කර වාචික හිංසනය ක්රියාත්මක කිරීමේ ප්රවණතාවක් මෑත කාලයේ නිරීක්ෂණය වී ඇති හෙයින් මෙම ප්රකාශවල පවතින අභියෝගය හුදෙක් පුද්ගලයන් ඉලක්ක කරගත් එකක් නොවන බව එහි සඳහන් වෙයි.
මෙය ජනතාවගේ ස්වාධිපත්ය බලයටද, කාන්තාවන්ට තම අදහස් ප්රකාශ කිරීමට සහ දේශපාලනයට සම්බන්ධ වීමට ඇති අයිතියටද එරෙහි අභියෝගයක් බව සංසදය අවධාරණය කරයි.
සමස්ථයක් වශයෙන් සමාජය තුළ දේශපාලනයෙහි කාන්තාවන්ගේ ක්රියාකාරී සහභාගීත්වයටද මෙමගින් ඍණාත්මක පූර්වාදර්ශයක් සැපයන බවට එහි වැඩිදුරටත් සඳහන් වන බව පාර්ලිමේන්තු සන්නිවේදනය අංශය පැවසීය.