ශ්රී ලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන සැකකටයුතු ලෙස මියගොස් ඇති බවට පොලීසිය විසින් කොටුව මහෙස්ත්රාත් අධිකරණයට කරුණු වාර්තා කර තිබේ.
කොල්ලුපිටිය, පේද්රිස් මාවත ප්රදේශයේ පිහිටි නිවසක තිබී අද (08) උදෑසන කපිල චන්ද්රසේනගේ මළ සිරුර පොලීසිය විසින් සොයා ගත් අතර ඒ අවස්ථාවේ අදාළ නිවසේ කාමරයක ගෙල වැළලාගෙන සිටියදී සිරුර හමුව තිබේ.
මෙම සිද්ධිය සම්බන්ධයෙන් කොල්ලුපිටිය පොලීසිය කොටුව මහේස්ත්රාත් අධිකරණයට කරුණු දක්වමින් සඳහන් කර ඇත්තේ සැකකටයුතු මරණයක් ලෙස සලකා සිද්ධිය සම්බන්ධයෙන් ඉදිරි විමර්ශන සිදුකරන බවයි.
මේ සම්බන්ධව වැඩිදුර විමර්ශන බස්නාහිර පළාත භාර ජ්යෙෂ්ඨ නියෝජ්ය පොලිස්පති සජීව මැදවත්තගේ ප්රධානත්වයෙන් කොළඹ දිසාව භාර නියෝජ්ය පොලිස්පති නිශාන්ත සොයිසාගේ උපදෙස්මත ක්රියාත්මක වේ
ශ්රී ලංකන් හිටපු CEO කපිල චන්ද්රසේනගේ මරණය සැක සහිතයි – පොලිසිය අධිකරණයට කරුණු වාර්තා කරයි
