උතුරේ ජනතාවට අයත් ආරක්ෂක අංශ භාරයේ පැවති ඉඩම් සියයට අනූවක් පමණ මේ වන විට නිදහස් කර අවසන්ව පවතින අතර, උතුරේ පන්සල්, පල්ලි සහ කෝවිල්වලට අයත් සියලූ ඉඩම් කඩිනමින් නිදහස් කරන ලෙස තමා අදාළ අංශ වෙත උපදෙස් ලබාදී ඇති බව ජනාධිපතිතුමා සඳහන් කර ඇත.
ජනාධිපතිවරයා මේ සම්බන්ධයෙන් ප්‍රකාශ කර ඇත්තේ ඊයේ (2018/11/05) පස්වරුවේ ජනාධිපති මන්දිරයේ පැවති දීපාවලී සැමරුම් උත්සවය අමතමිනි. ජනාධිපති මාධ්‍ය අංශය මගින් නිකුත් කළ ලිපියක් මගින් මේ පිළිබඳ වාර්තා කොට ඇත.
මෙහිදී අදහස් දැක්වූ ජනාධිපතිතුමා වැඩිදුරටත් සඳහන් කර ඇත්තේ, උතුරේ ජනතාවගේ ගැටලූ විසදීම පිළිබඳ තමා තුළ තිබූ දැඩි දේශපාලන ස්ථාවරය හෙට දවසේ ද එළෙසම පවතින බවයි.
මේ සම්බන්ධයෙන් බොහෝ දෙනාගේ ප්‍රසාදය හිමිවී ඇති අතර යහපාලන ආණ්ඩුවට නොහැකි වූ දේ මෛත්‍රී - මහින්ද එක්වීමෙන් අනතුරුව සිදුකිරීමට පියවර ගැනීම පැසසිය යුත්තක් බව ද කියා සිටිති.
ජනාධිපති මාධ්‍ය අංශය විසින් යොමුකළ ලිපිය,
