මනුෂ නානායක්කාර මහතා සිය නියෝජ්‍ය අමාත්‍යධුරයෙන් ඉවත් වීමේ ලිපිය ජනාධිපතිවරයාට යොමු කර තිබේ. ඔහුගේ ඉවත් වීමට බලපා ඇති කරුණු අතර රාජපක්ෂගේ සිහින ඇමති මණ්ඩලයේ කිසිවෙක් ට ජාත්‍යන්තරයේ හෝ පිළිගැනීමක් නොමැති වීම හේතුවක් වී තිබේ.
එකවර කඩා වැටෙන මුරුගසන් වර්ෂාවක් මෙන් රටේ යාන්ත්‍රණය තෙතබරිත කළ රාජපක්ෂගේ කඩා වැදීම හා නීතිවිරෝධී මැති ඇමති දිවුරුම් දීම දැන් බොහෝ දෙනාගේ කළකිරීමට ලක් වී ඇත. ඊයේ ජනමහිමය අමතමින් සිරිසේන ජනාධිපතිවරයා සිදු කළ කතාව නිසා එය දෙගුණ තෙගුණ වී ඇත. ඒ කළකිරීම දැන් පාරාවළල්ලක් වී සිරිසේන ජනාධිපතිවරයා ප්‍රමුඛ රාජපක්ෂ නඩයට යොමු වී තිබේ. මේ හේතුවෙන් දැන් දැන් මන්ත්‍රීවරුන් වික්‍රමසිංහ අගමැතිවරයාට සහාය දැක්වීමට පැමිණෙන බව ආරංචි මාර්ග දැනුම් දෙයි.