පාර්ලිමේන්තුවේ සජීවී ගුවන් විදුලි විකාශය හේතු රහිතව නවතා දැමීමට කටයුතු කිරීම ගැන ගුවන් විදුලියේ සභාපති සෝමරත්න දිසානායක සහ ජනමාධ්‍ය අමත්‍යංශ ලේකම් සුනිල් හෙට්ටිආරච්චි අද (05) කතානායක කරු ජයසුරිය හමුවී සමාව අයැද තිබේ.
පාර්ලිමේන්තු සභාවරයන් සජීවීව විකාශය කිරීම සඳහා මුදල් ගෙවා ගිවිසුමක් ද අත්සන් කර තිබිය දී එසේ කටයුතු නොකිරීම ගැන කරුණු විමසීම සඳහා අදාල පුද්ගලයින් කතානායක හමුවට කැඳවූ අවස්ථාවේ ඔවුන් සමාව ඉල්ලා ඇති අතර එය හැකි ඉක්මනින් නිවැරදි කරන බව පොරොන්දු වී ඇත.
පවතින අර්බුදකාරී දේශපාලන වාතාවරණය තුල රාජ්‍ය මාධ්‍ය පුර්ණ ස්වාධීනත්වයෙන් සහ වගකීමෙන් යුතුව කටයුතු කළ යුතු බවට කතානායකවරයා එහිදී උපදෙස් ලබා දී තිබේ.
ඒ අනුව අදාල කරුණු කෙරෙහි වහාම අවධානය යොමු කොට රාජ්‍ය මාධ්‍ය ආයතන වෙත උපදෙස් නිකුත් කිරීමට පියවර ගන්නා බවට ජනමාධ්‍ය අමත්‍යංශ ලේකම් පවසා ඇත.
රාජ්‍ය මාධ්‍ය ආයතන පක්ෂග්‍රාහීව කටයුතු කිරීම සම්බන්ධයෙන් කතානායකවරයා රජයේ මාධ්‍ය ප්‍රධානින් කැඳවා උපදෙස් දුන් බවට සඳහන් නිවේදනයක් කතානායක කාර්යාලය අද (05) නිකුත් කර තිබේ.
එම ලිපිය පහතින්,
