ජනාධිපතිවරයා තමන් වෙත එල්ල කරන ලද සියලු චෝදනා ප්‍රතික්ෂේප කරන බව එක්සත් ජාතික පක්ෂ නායක රනිල් වික්‍රමසිංහ ප්‍රකාශ කරයි.
ප්‍රජාතන්ත්‍රවාදය වෙනුවෙන් වෘත්තිකයෝ සංවිධානය විසින් කොළඹ ගාලු මුවදොර හෝටලයේ අද (05) දින පැවැත්වූ ආණ්ඩුක්‍රම ව්‍යවස්ථා කුමන්ත්‍රණයේ ප්‍රතිවිපාක නම් විවෘත සංවාදයේ දී අදහස් දක්වමින් ඔහු මේ බව සඳහන් කළේ ය.
“මම මගේ සංස්කෘතිය අනුව පිළිතුරක් දෙනවා. අක්කෝස භාරද්වාජ බමුණා බුදු රජාණන් වහන්සේට බැන්නා, නිග්‍රහ කළා, අපහාස කළා, දොස් කිව්වා. මේ සියල්ලට සවන් දුන් බුදුන් වහන්සේ ඔබගේ බැනීම්, අවලාද, අපහාස හා නිග්‍රහ මම පිළිගන්නේ නැතැයි එහිදී වදාළහ.”
“ඒවගේම මට අවලාද නැගුවා මම අවලාද නැගුවේ නැහැ. මට දොස් කිව්වා මම දොස් කිව්වේ නැහැ. මට නිග්‍රහ කළා මම නිග්‍රහ කළේ නැහැ. මට නින්දා කළා මම නින්දා කළේ නැහැ. මට කියන්න තියෙන්නේ මට කළ සියල්ල බමුණ, ඔබටම බාරයි.”