ලැබූ නිදහසෙන් උපරිම ප්‍රයෝජන ලැබිය හැක්කේ සියලු දෙනා ම රට වෙනුවෙන් තම වගකීම් ඉටු කිරීමෙන් බව ජනාධිපති ගෝඨාභය රාජපක්ෂ පවසයි.
නිදහස්, ප්‍රජාතන්ත්‍රවාදී රටක වැසියන් ලෙස සියලු දෙනාට ම අයිතිවාසිකම් මෙන් ම වගකීම් ද ඇති බව පෙන්වා දෙන ජනාධිපතිවරයා වගකීම් අමතක කොට අයිතිවාසිකම් ගැන පමණක් කථා කිරීම සුදුසු නො වන බව ද කියා සිටි.
අද (04) පෙරවරුවේ කොළඹ නිදහස් චතුරස්‍රයේ පැවති 74 වන ජාතික නිදහස් දින සැමරුම් උළෙලේදී ජාතිය අමතමින් ජනාධිපති ගෝඨාභය රාජපක්ෂ මේ බව සඳහන් කළේය.