ජනාධිපතිවරයා යොමුකර තිබුණු ලිපියට අනුව 19 ව්‍යවස්ථා සංශෝධනය සහ පාර්ලිමේන්තුවේ අධීක්ෂණ කමිටු පත්කිරීම ගැන සිදුකළ කළ සාකච්ජාව
සාර්ථක නමුත් සර්ව පාක්ෂික ආණ්ඩුවක් සම්බන්ධයෙන් සමඟි ජන බලවේගයේ පොදු එකඟතාවක් නැති බව පාර්ලිමේන්තු මන්ත්‍රී ෆීල්ඩ් මාෂල් සරත් ෆොන්සේකා පවසයි.
එම සාකච්ජාවේදී සර්ව පාක්ෂික ආණ්ඩුවක් සම්බන්ධයෙන් ජනාධිපතිවරයා අදහස් පළකළ අතර සමඟි ජන බලවේගයේද එක් අයෙක් දෙදෙනෙක් එවැනි දෙයකට කැමැත්තෙන් සිටියද පක්ෂයක් ලෙස එවැනි තීන්දුවක් ගෙන නොමැති බවයි කොළඹදී පැවති මාධ්‍ය හමුවකදී මන්ත්‍රීවරයා කියා සිටියේ.
ජනාධිපතිවරයා යෝජනා කරන සර්ව පාක්ෂික ආණ්ඩුව සිය පක්ෂයේ ප්‍රතිපත්තිවලට විරුද්ධ මෙන්ම දූෂිතයින් සිටින බවයි ඔහු පැවසුවේ.
”ඔය කියන සර්ව පාක්ෂික ආණ්ඩුවේ එකමුතුකම තිබේවිදැයි මට සැකයි. වෙනසක් වෙන්නේ නෑ කියන එක මේ රටේ ජනතාව තේරුම් ගත යුතුයි. මැතිවරණයක් තියන්න පුලුවන් නම් හොදයි. නමුත් ප්‍රායෝගික ගැටලු තිබෙනවා.මේ ආණ්ඩුව ගෙදර යා යුතුයි. යම් වෙනසකට යා යුතුයි. නිවැරදි බලවේගයක් පාර්ලිමේන්තුවේ ඇති කල යුතුයි.”