ගීතා ගෝපිනාත් IMF නියෝජ්‍ය කළමනාකාර අධ්‍යක්ෂ ධුරයෙන් ඉවත්වෙයි
ජාත්‍යන්තර මූල්‍ය අරමුදලේ නියෝජ්‍ය කළමනාකාර අධ්‍යක්ෂිකා ගීතා ගෝපිනාත් (Gita Gopinath) අගෝස්තු මස අවසානයේ සිය තනතුරෙන් ඉවත් වී හාවර්ඩ් විශ්ව විද්‍යාලයට නැවත පැමිණෙන බව IMF සඳුදා නිවේදනයක් නිකුත් කරමින් සදහන් කළේය.
IMF කළමනාකාර අධ්‍යක්ෂිකා ක්‍රිස්ටලිනා ජෝර්ජිවා පවසන්නේ, “නියමිත වේලාවට” ගෝපිනාත්ගේ අනුප්‍රාප්තිකයෙකු නම් කරනු ඇති බවයි.
ගෝපිනාත් මූල්‍ය අරමුදලේ කළමනාකාර අධ්‍යක්ෂවරියට පමණක් දෙවැනි වන ප්‍රධාන නිලධාරිනියයි.
ගෝපිනාත් 2019 දී ප්‍රධාන ආර්ථික විද්‍යාඥවරිය ලෙස අරමුදලට සම්බන්ධ වූවාය. එම භූමිකාවේ සේවය කළ පළමු කාන්තාව සහ 2022 ජනවාරි මාසයේදී පළමු නියෝජ්‍ය කළමනාකාර අධ්‍යක්ෂවරිය ලෙස උසස් කරන ලදී.
ජාත්‍යන්තර මූල්‍ය අරමුදලේ පළමු නියෝජ්‍ය කළමනාකාර අධ්‍යක්ෂිකා ගීතා ගෝපිනාත් පසුගිය ජුනි මස 15 සහ 16 යන දෙදින මෙරට සංචාරයක නිරතවීය. මුදල් අමාත්‍යාංශය, ශ්‍රී ලංකා මහ බැංකුව සහ ජාත්‍යන්තර මූල්‍ය අරමුදල එක්ව ජුනි 16 වැනිදා සංවිධාන කළ ‘ශ්‍රී ලංකාවේ ආර්ථිකය යථා තත්වයට පත් කිරීම: ණය සහ පාලනය’ යන සමුළුවේ විශේෂ ආරාධිතයකු ලෙස ඇය සහභාගි වුවාය
ගීතා ගෝපිනාත් IMF නියෝජ්‍ය කළමනාකාර අධ්‍යක්ෂ ධුරයෙන් ඉවත්වෙයි...
