ලොව විශාලතම ආර්ථික හවුල්කරුවන් දෙදෙනෙකු අතර මාස ගණනාවක් පුරා පැවති ආරවුල අවසන් කරමින්, ඇමරිකා එක්සත් ජනපදය සහ යුරෝපා සංගමය වෙළඳ ගිවිසුම් රාමුවකට එළැඹ තිබේ.
ජනාධිපති ඩොනල්ඩ් ට්‍රම්ප් සහ යුරෝපීය කොමිසමේ සභාපතිනි උර්සුලා වොන් ඩර් ලේන් අතර ස්කොට්ලන්තයේදී සිදුකළ සාකච්ඡාවලින් අනතුරුව, සියලුම EU භාණ්ඩ සඳහා 15% ක ඇමරිකානු තීරු බදු පැනවීමට එකඟ වූහ.
එය පසුගිය සිකුරාදා සිට ක්‍රියාත්මක කිරීමට ට්‍රම්ප් ප්‍රකාශ කළ 30%ක ආනයන බදු අනුපාතයෙන් අඩකි. ඇතැම් නිෂ්පාදන සඳහා ශුන්‍ය සියයට තීරුබදු සහිතව ඇමරිකානු අපනයනකරුවන්ට තම වෙළඳපොළ විවෘත කරන බවද ට්‍රම්ප් පැවසීය.
ගෝලීය වෙළඳාමෙන් තුනෙන් එකක් පමණ නියෝජනය කරන මිත්‍ර පාක්ෂික රටවල් දෙකටම ස්ථාවරත්වයක් ගෙන එනු ඇතැයි පවසමින් වොන් ඩර් ලේන් ද මෙම ගිවිසුමට ප්‍රශංසා කළේය